الحصول على تصريح سفر من الجيش بغرض الدراسة

الحصول على تصريح سفر من الجيش بغرض الدراسة بالنسبه للشباب هي نقطة بتقلق كتير من اللى بيفكروا فى الدراسة فى الخارج و خصوصا مؤخرا بعد ظهور بعض الاخبار عن تعديلات على قوانين بخصوصها سواء كانت دراسة جامعية أو دراسات عليا. جبنالكوا كل المعلومات اللي هتساعدكوا تخلّصوا كل اجراءتكوا بسهوله و بسرعة عشان تقدروا تحصلوا على تصريح للسفر و تأجيل الخدمة العسكرية و اللي بيتم استخراجه من مجمع التحرير.

الأوراق المطلوبة لوضع الطالب تحت الإشراف كالتالى
بالنسبه للدراسه الجامعية
– قيد دراسي موثق و معتمد من الجامعة اللي هتكمل فيها دراستك برّة، بحيث يكون موثق من المكتب الثقافي بالخارج أو سفارة البلد بالقاهرة، و موثق بعد كده من الخارجية المصرية.
– صورة شهادة الثانوية.
– مصدر التمويل (حساب بنكي أو منحة أو إقامة عمل الأب أو الأم بالخارج (أو) حساب بنكي أو إقامة عمل لحد من قرايبك لحد الدرجة الرابعة).
– صورة شهادة الميلاد للطالب.
– صورة جواز السفر للطالب.
– صورة الرقم القومي للطالب.
– الرقم الثلاثي العسكري.
– استمارة (2 جند) من إدارة التجنيد.
– استمارة خضوع الطالب للاشراف العلمي من إدارة طلبة الإشراف.
– فصل أو سحب الملف من الجامعة في مصر إن وجد.
– 2 ملف.
– 5 دمغة فئة جنيه.

شوية ملاحظات
– يشترط الا يتعدى سن الطالب 22 سنة عند دخول الجامعة لأول مرة.
– يؤجل للطالب لسن 28 سنة.

أما للدراسات العليا فالاوراق المطلوبة
– قيد دراسي موثق و معتمد من الجامعة اللي هتكمل فيها دراستك برّة، بحيث يكون موثق من المكتب الثقافي بالخارج أو سفارة البلد بالقاهرة و موثق بعد كده من الخارجية المصرية.
– صورة شهادة البكالريوس.
– صورة شهادة الميلاد للطالب.
– صورة جواز السفر للطالب.
– صورة الرقم القومي للطالب.
– الرقم الثلاثي العسكري.
– استمارة (2 جند) من إدارة التجنيد.
– استمارة خضوع الطالب للاشراف العلمي من إدارة طلبة الإشراف.
– 2 ملف.
– 5 دمغة فئة جنيه.
– إقرار من الطالب أنه لا يعمل بالحكومة أو القطاع العام بمصر و أنه لن يطالب البعثات بأي نفقات خلال فترة دراسته.

ملحوظة
– يؤجل للطالب لسن 29 عاما.

ها قولولنا محتاجين تعرفوا إيه تاني عن التجهيزات للدراسة فى أوروبا؟